Energetika

“Azərbaycanın energetikası” statistika məcmuəsində 2019-2023-cü illər üzrə milli enerji balansı əhatə olunmaqla enerji məhsullarının əmtəə balansları və energetika statistikasına aid digər zəruri məlumatlar verilmişdir. Məcmuə 5 bölmədən ibarətdir. 1-ci bölmədə energetika müəssisələrinin işinin əsas göstəriciləri, enerji istehlakı və elektrik enerjisinin enerji istehlakındakı payı, enerji tutumu, sənaye sahələrində enerji səmərəliliyi, 2-ci bölmədə illər üzrə enerji balansı və balansın sektorlar üzrə bölgüsü, 3-cü bölmədə enerji balansını əhatə edən ayrı-ayrı enerji məhsullarının (əmtəə) balansları, 4-cü bölmədə enerji məhsullarının iqtisadi fəaliyyət növləri üzrə istehlakı, 5-ci bölmədə xam neftin, təbii qazın hasilatı, elektrik stansiyalarının gücü, iqtisadiyyatın ayrı-ayrı sahələrində fəaliyyət göstərən müəssisələr tərəfindən atmosferə atılan çirkləndirici maddələr və s. haqqında məlumatlar verilmişdir.
Tərtib edilmiş hazırkı enerji balansı BMT, Beynəlxalq Enerji Agentliyi, Avrostat və digər beynəlxalq təşkilatların və 21 ölkənin, o cümlədən Azərbaycanın da üzv olduğu “Oslo Qrupu” tərəfindən hazırlanmış və BMT-nin Statistika Komissiyasının 2011-ci ilin fevral ayında təşkil olunmuş 42-ci sessiyasında qəbul edilmiş “Enerji statistikasına dair beynəlxalq tövsiyələr”in tələblərinə əsaslanmışdır.
Enerji balansının tərtib olunmasına dair qısa metodoloji göstərişlər, “Çevrilmə əmsalları” və göstəricilərin tapılmasının asanlaşdırılması məqsədilə “Əlifba sırası ilə göstəricilərin siyahısı” verilmişdir.
Nəşrlərdə və çap işlərində statistik məlumatdan istifadə edərkən Azərbaycan Respublikasının Dövlət Statistika Komitəsinə istinad olunmalıdır.
“Azərbaycanın energetikası” statistika məcmuəsində
Şərti işarələrin izahı:
« - » hadisə baş verməmişdir
« ... » məlumat mövcud deyil
« 0.0 » məlumat çox kiçik rəqəmlə xarakterizə olunur.

Qeyd:
Bəzi hallarda yekunla toplananların cəmi arasındakı fərq rəqəmlərin yuvarlaqlaşdırılması ilə izah olunur.