Ölkənin tarlalarında payızlıq taxıl bitkilərinin kütləvi səpini davam edir. Hesabat məlumatlarına görə cari il dekabr ayının 1-nə kimi 900.1 min hektar sahədə payızlıq bitkilər, o cümlədən 890.0 min hektarda dən üçün payızlıq bitkilər səpilmişdir. Dən üçün payızlıq bitkilərin 619.3 min hektarını buğda, 270.7 min hektarını isə arpa təşkil etmişdir.
2011-ci ilin müvafiq dövrü ilə müqayisədə dən üçün payızlıq bitkilərin əkin sahəsi 7.1 faiz, o cümlədən buğda əkini 3.4 faiz, arpa əkini 16.5 faiz artmışdır. Payızlıq bitkilərin səpini barədə daha ətraflı məlumat aşağıdakı cədvəldə verilmişdir.