2008-ci ilin yanvar ayında ölkə üzrə pərakəndə əmtəə dövriyyəsinin həcmi ötən ilin yanvar ayının göstəricisini 14,7 faiz üstələyərək 754,3 milyon manat olmuşdur. Dövriyyənin 15,7 faizi hüquqi şəxslərin, 46,0 faizi mütəşəkkil təşkil olunmuş yarmarka və bazarlarda fəaliyyət göstərən fiziki şəxslərin, 38,3 faizi isə hüquqi şəxs yaratmadan ticarət fəaliyyəti göstərən fərdi sahibkarların hesabına formalaşmışdır. Hesabat dövründə ticarət şəbəkələrindən əhaliyə 491,2 milyon manatlıq ərzaq, 263,1 milyon manatlıq qeyri-ərzaq malları satılmış və 2007-ci ilin yanvar ayı ilə müqayisədə müvafiq olaraq 11,4 və 22,8 faiz artmışdır.
Ay ərzində əhaliyə 239,8 milyon manatlıq və ya 29,1 faiz çox pullu xidmət göstərilmişdir. Xidmətin 78,6 faizi hüquqi, 21,4 faizi fiziki şəxslərin payına düşmüş və onlar tərəfindən əhaliyə müvafiq olaraq 35,6 və 9,8 faiz çox xidmət göstərilmişdir.