Ümummilli Lider Heydər Əliyevin xatirəsinə həsr olunan mini futbol üzrə idman turnirinə start verilib

 

Azərbaycan Respublikası Dövlət Statistika Komitəsinin təşkilatçılığı ilə ulu öndər Heydər Əliyevin anadan olmasının 94-cü ildönümünə həsr olunan “Heydər Əliyev-94” adlı mini futbol üzrə ənənəvi idman turnirinə start verilib. Milli Elmlər Akademiyasının Mini Futbol meydançasında keçirilən turnirdə Dövlət Statistika Komitəsinin Mərkəzi Aparatı, Bakı Şəhər Statistika İdarəsi və tabe rayon qurumlarını təmsil edən 5 komanda mübarizə aparacaq. Mayın 7-də yekun vurulacaq oyunların qalibləri xal prinsipi əsasında müəyyən olunacaq və onlar kubok, fəxri fərman və qiymətli hədiyyələrlə mükafatlandırılacaq.