2011-ci ilin fevral ayında satılmış kənd təsərrüfatı məhsullarının istehsalçı qiymətlərinin dəyişməsi

Fevral ayında bitkiçilik və heyvandarlıq məhsullarının istehsalçı qiymətləri əvvəlki ayla müqayisədə 2,5 faiz bahalaşmışdır.

Birillik bitkilərdən arpanın istehsalçı qiymətləri 0,2 faiz, bibərin 1,6 faiz, kələmin 0,9 faiz, göyərtilərin 1,6 faiz, balqabağın 12,2 faiz, baş soğanın 1,5 faiz, qırmızı turpun 1,1 faiz, kartofun 8,8 faiz, quru otun qiymətləri 1,1 faiz bahalaşmış, buğdanın qiyməti isə 2,6 faiz ucuzlaşmışdır.

Çoxillik bitkilərdən narın istehsalçı qiymətləri 3,6 faiz, almanın 8,2 faiz, armudun 3,2 faiz, limonun 4,4 faiz, şabalıdın 0,2 faiz, fındığın 5,1 faiz, qozun istehsalçı qiymətləri 11,1 faiz bahalaşmışdır.

Diri heyvanlar və heyvandarlıq məhsullarından iri-buynuzlu mal-qaranın istehsalçı qiymətləri 0,2 faiz, camış südünün 2,2 faiz, diri qoyun və keçilərin 1,6 faiz, qoyun südünün 0,3 faiz, yumurtanın qiymətləri 43,0 faiz bahalaşmış, diri ev quşlarının 7,5 faiz, inək südünün 2,7 faiz, qırxılmış yuyulmamış yununun qiymətləri isə 0,1 faiz ucuzlaşmışdır.

Balıq və sair balıqçılıq məhsullarından isə diri balığın qiymətlərində 1,1 faiz ucuzlaşma müşahidə olunmuşdur.