AZ    EN
logo
2023-cü ilin yanvar-sentyabr aylarında 1204 yol-nəqliyyat hadisəsi baş vermişdir.2023-cü ilin yanvar-oktyabr aylarında istehlak qiymətləri indeksi 2022-ci ilin yanvar-oktyabr aylarına nisbətən 110,2 faiz təşkil etmişdir.2023-cü il oktyabrın 1-i vəziyyətinə ölkə iqtisadiyyatında muzdla çalışan işçilərin sayı 1719,8 min nəfər olmuşdur.2023-cü ilin yanvar-oktyabr aylarında əsas kapitala 14258,0 milyon manat məbləğində vəsait yönəldilmişdir.2023-cü ilin yanvar-oktyabr aylarında 55,6 milyard manatlıq sənaye məhsulu istehsal edilmişdir.2023-cü ilin yanvar-oktyabr aylarında ölkədə 100,9 milyard manatlıq ümumi daxili məhsul istehsal olunmuşdur.2023-cü ilin yanvar-sentyabr aylarında Azərbaycan Respublikasına dünyanın 184 ölkəsindən 1535,8 min əcnəbi və vətəndaşlığı olmayan şəxs gəlmişdir.2023-cü ilin yanvar-sentyabr aylarında pərakəndə ticarət dövriyyəsi 3,3 faiz artmışdır.2023-cü ilin yanvar-avqust aylarında ölkənin xarici ticarət dövriyyəsi 29989,2 milyon ABŞ dolları təşkil etmişdir.2023-cü ilin yanvar-avqust aylarında 45,1 milyard manatlıq sənaye məhsulu istehsal edilmişdir.2023-cü ilin əvvəlinə ölkə əhalisinin ümumi sayının 50,2 faizini qadınlar təşkil etmişdir2022-ci ildə Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 51420,6 min ton olmuşdur.2022-ci ildə mehmanxana (hotel) və mehmanxana tipli obyektlərdə keçirilmiş gecələmələrin sayı 2647,1 min olmuşdur.
image

Qazaxıstan Respublikasında “Əhalinin siyahıyaalınması: çağırışlar və imkanlar” beynəlxalq forumu və MDB-yə üzv dövlətlərin Statistika Xidmətləri Rəhbərləri Şurasının 66-cı iclası keçirilib

24.05.2023, 12:30

2023-cü ilin 22-24 may tarixlərində Qazaxıstan Respublikasının Almatı şəhərində MDB Dövlətlərarası Statistika Komitəsi tərəfindən Qazaxıstan Respublikasının Strateji Planlaşdırma və İslahatlar Agentliyinin Milli Statistika Bürosu və BMT-nin Əhali Fondu (UNFPA) ilə birgə “Əhalinin siyahıyaalınması: çağırışlar və imkanlar” beynəlxalq forumu və MDB-yə üzv olan dövlətlərin Statistika Xidmətləri Rəhbərləri Şurasının 66-cı iclası keçirilib. Forumda Azərbaycan Respublikası Dövlət Statistika Komitəsi sədrinin müavini Yusif Yusifov və Əhali statistikası şöbəsi müdirinin müavini Xalıq Nəsibov, Əmək və Əhalinin Sosial Müdafiəsi  Nazirliyinin Məşğulluq siyasəti və demoqrafik inkişaf məsələləri şöbəsinin sektor müdiri Nailə Verdiyeva iştirak edib.

Foruma BMT-nin Əhali Fondunun, Avropa İqtisadi Komissiyasının, MDB Dövlətlərarası Statistika Komitəsinin, Parlamentlərarası Assambleyasının, milli statistika xidmətlərinin və siyahıyaalma məlumatlarının əsas istifadəçiləri olan dövlət qurumlarının nümayəndələri, beynəlxalq ekspertlər olmaqla ümumilikdə 150 iştirakçı qatılıb. 

Forumun məqsədi MDB ölkələrində əhalinin siyahıyaalınmasının 2020-ci il mərhələsi çərçivəsində görülmüş işlər, bu sahədə təcrübələrin bölüşülməsi, eləcə də siyahıyaalmanın ən mühüm məlumat mənbəyi kimi milli səviyyədə dayanıqlı inkişafa nail olunmasının monitorinqi, əhalinin həyat səviyyəsinin yaxşılaşdırılmasına yönəlmiş proqramların planlaşdırılması, layiqli əməyin təmin edilməsi, səhiyyə, təhsil, sosial xidmətlərin inkişafı üçün əhəmiyyətinin müzakirə edilməsindən ibarət olmuşdur.

Yusif Yusifovun qatıldığı MDB iştirakçısı olan dövlətlərin Statistika Xidmətləri Rəhbərləri Şurasının 66-cı iclasında “MDB statistikasının inkişafı” layihəsinin icrası ilə bağlı işlərin gedişatı, MDB ölkələrinin nümayəndələri üçün Rusiya Federasiyasının büdcəsi hesabına ali təhsil müəssisələrində statistika ixtisası üzrə kadr hazırlığı üçün kvotaların ayrılması, 2023-2024-cü illərdə təşkil olunacaq statistika istehsalçıları və istifadəçilərinin beynəlxalq forumuna və statistika üzrə beynəlxalq seminarlara hazırlıq, cari ildə keçirilmiş beynəlxalq statistik olimpiadanın nəticələri, MDB regionunda valyutaların alıcılıq qabiliyyəti paritetinə əsaslanan Qlobal Beynəlxalq Müqayisələr Proqramı üzrə görülmüş işlər, BMT-nin Əhali Fondu ilə birgə həyata keçirilən layihə, Şuranın və MDB Dövlətlərarası Statistika Komitəsinin ötən ildə gördüyü işlər və s. məsələlər müzakirə olunaraq qərarlar qəbul olunub.

un_data statistikanin_saheleri beynelxalq-teskilatlar-ve-statistika-qurumlari dovletsaytlari baki_statistika_idaresi naxcivan_statistika_komitesi etsim