Əhali

---

Azərbaycanın demoqrafik göstəriciləri

Bölmələrdə demoqrafik prosesləri xarakterizə edən və inzibati ərazi bölgüsü, əhalinin sayı və tərkibi, əhalinin təkrar istehsalının ümumi göstəriciləri, doğum, ölüm, səbəblər üzrə ölüm, nikah və boşanmalar, miqrasiya və beynəlxalq müqayisələr ilə bağlı məlumatlar öz əksini tapmışdır.
"İnzibati ərazi bölgüsü, əhalinin sayı və tərkibi" bölməsində Azərbaycanın inzibati ərazi bölgüsü, əhalinin sayına görə rayon və şəhər yerlərinin qruplaşdırılması, əhalinin sayı, cins və yaş qrupları üzrə bölgüsü, əhalinin milli (etnik) tərkibi, ana dili və sərbəst danışdığı dillərə görə bölgüsü, əhalinin savadlılıq və təhsil səviyyəsi haqqında məlumatlar əks etdirilir.
"Əhalinin təkrar istehsalının ümumi göstəriciləri" bölməsində doğulanlar, ölənlər və əhalinin təbii artımı, şəhər və kənd yerləri üzrə ümumi nəsilvermə əmsalı, doğulanda gözlənilən ömür uzunluğu, əhalinin təkrar istehsalının əmsalları haqqında məlumatlar cəmlənir.
"Doğum" bölməsi ananın yaşına görə doğulanlar, doğumun yaş əmsalları, doğum ardıcıllığı üzrə doğulanların sayı, ananın yaşı və doğum ardıcıllığına görə doğulan uşaqların sayı, rəsmi qeydə alınmış və alınmamış nikahda olan qadınlar tərəfindən doğulan uşaqların sayı, doğum zamanı ananın orta yaşı, ananın nikah vəziyyətinə görə doğulanlar haqqında məlumatları əhatə edir.
"Ölüm" bölməsində cins və yaş qrupları, eləcə də şəhər və kənd əhalisi üzrə ölənlərin sayı, ölümün əmsalları, əmək qabiliyyətli yaşda ölənlərin sayı, ana ölümü, körpə ölümü və 5 yaşadək uşaq ölümü haqqında məlumat verilir.
"Səbəblər üzrə ölüm" bölməsində cins, şəhər və kənd yerləri, ölümün səbəbləri üzrə ölənlərin sayı və əmsalı, eləcə də 1 yaşadək ölən uşaqlar arasında ölümün əsas səbəbləri və ölümün əmsalları haqqında informasiya verilir.
"Nikah və boşanmalar" bölməsində rəsmi qeydə alınmış nikah və boşanmaların sayı, ümumi əmsalları, nikaha daxil olanların orta yaşı, bəy və gəlinin yaş qruplarına görə nikahlar, nikahın davametmə müddətinə və boşananların yaş qruplarına görə boşanmalar, uşaqlı ailələrdə boşanmaların sayı, ev təsərrüfatlarının üzvlərinin və uşaqların sayına görə bölgüsü haqqında məlumatlar verilir.
"Miqrasiya" bölməsində əhalinin beynəlxalq miqrasiyası, ölkələr üzrə daimi yaşamaq üçün Azərbaycana gələn və Azərbaycandan gedənlərin, miqrantların cins və yaş qrupları üzrə bölgüsü verilir.
"Dünya ölkələri üzrə bəzi demoqrafik göstəricilər" bölməsi ayrı-ayrı dünya ölkələri üzrə bəzi demoqrafik göstəriciləri əhatə edir.

Şərti işarələr:
« - » hadisə baş verməmişdir.
« ... » məlumat mövcud deyil.
« 0.0 » məlumat çox kiçik rəqəmlə xarakterizə olunur.
« x » müqayisə mümkün deyil.
« * » qiymətləndirmə, hesablama.